Euskadiko Finantza Etikoen Taldeko kide da Oikocredit
Oikocredit Euskadik benetan sinesten du taldean banaka baino urrutiago iristen dela. Horregatik, Euskadiko Finantza Etikoen taldearekin sare sendo eta konfiantzazko bat sortzen dihardu.
Guztiok dugun helburua, finantza etikoen talde bateratu eta trinkoa sortzea da. Horrela, elkarren laguntza izango dugu ibilbidea batera egiteko: jarduera eta sentsibilizazio kanpainetan, hezkuntza- edo komunikazio-materialak partekatzen... finantza etikoek egungo gizarte-ekonomia sisteman eskaintzen dituzten irtenbideak eta gizartea eraldatzeko duten gaitasun ikaragarria, gizarte-elkartasun, gizarte-justizia, oreka eta ongizate baloreetara zuzenduz elkarrekin ezagutzera emateko.
Finantza Etikoen Taldeak ekonomia bitartekari bat izatea aldarrikatzen du, eta ez helburu bat. Bitartekari hori norbanakoen eta komunitatearen garapenaren zerbitzura egongo zen, eta jendearen eta gizarte-inguruaren bizi-kalitatea hobetzen lagunduko lukeen tresna izango litzateke.
Hauek dira bidaideak: Fiare Elkartea, Setem Hego Haizea, Elkarcredit eta Economistas Sin Fronteras.
