Banka etikoa: ekinez egina
Oikocredit da banka etikoaren arloan gure inguruko proiektu aipagarrienetako bat. Gure inbertsioa pobrezia pairatzen duten Latinoamerika, Asia eta Afrikako pertsona askoren bizitza hobetzen duten proiektuetarako bideratzeko aukera bat da. Hala ere, ez gara banku bat eta eguneroko bizitzan pertsonek behar dituzten finantza-produktu guztiak ezin ditugu eskaini.
Hori dela eta hasieratik gure jarduera osatzen duten banka alternatiboko beste proiektu batzuetan murgilduta egon gara. Hori da Fiareko kasua. Fiare Banca Ética errealitate sendo bat da eta hilabete batzuetatik hona banku sukurtsal modura aritzen da, guztiz eraginkor.
Horregatik, Oikocredit Euskadi elkartean egindako inbertsioak Fiare Banca Etica-n daukagu kontu korrontean egindako transferentzia baten bitartez egitea posible da dagoeneko. Gure kreditua lortzen duten Hegoaldeko herrialdeetako proiektuei kontu horretatik helarazten diegu dirua.
Baina ez dugu Fiareko berezo hutsak izan nahi. Fiare Banca Etica eraikitzen lagundu nahi dugu eta horrexegatik Oikocredit Euskadi bada Banca Etica kooperatibaren eskubide osoko bazkidea. Horretarako duela urte batzuk egin genuen ekarpen ekonomikoa kapital sozial bilakatu dugu.
Eta ez gara hor geratzen. Banka alternatiboko mugimendu osoa batera haz dadila nahi dugu eta arrazoi horretatik Finantza Alternatiboko Sistemaren Mahaia bultzatzen ari gara, REASen barruan, Fiare, Koop57 eta CAESekin batera.
