Inbertitzeko prest? Aukeratu bizi zaren eskualdea

Lehioa iztea
Sevilla Catalunya Euskadi

Zer dira laguntza erakundeak?

Oikocredit-ren laguntza erakundeak legalki irabazi asmorik gabeko erakundeak sortzen duten pertsona boluntarioen multzoa da. Bazkideak erakundearen parte oso garrantzitsua dira eta sentsibilizazio eta hedapen ekintzak betetzen dituzte. Laguntza erakundeak Nazioarteko Oikocrediten bazkide zuzenak dira eta Espainiako bazkide guztiak ordezkatzen ditu. Gaur egun Espainian hiru laguntza erakunde daude: Euskadi, Catalunya eta Sevilla.

Boluntario talde aktibo bat ere Madrilen dago (talde honi eta bere jarduerei buruzko informazio gehiago esteka honetan daukazu: www.madrid.oikocredit.es.)

Euskadi
Bilatu

Road-show 2019

Road-show 2019

ParticipaciĆ³n en Radio Euskadiasteazkena 20 azaroa 2019 09:26

Urtero egiten den Road Showaren bueltan, Oikocredit Euskadik Athanas Mathekaren bisita jaso zuen. Oikocredit Internationalen Keniako bazkide den Greenforest Foods nekazaritza-antolakundearen fundatzailea eta zuzendaria da Matheka.

Zortzi ordu bizi igaro genituen Athanasekin. Hala, Oikocredit Euskadiren bazkide den Anesvaden egoitzan jarduera bat egin genuen, eta hainbat erakundetako bazkide eta kideek landa-inguruneko Afrikako errealitatera gerturatzeko aukera izan genuen. Izan ere, errealitate horri urrunetik begiratu ohi zaio, eta sarri hiriguneetarako migrazio handian eta garapenerako arazo sakonetan jartzen da arreta.

Ez dira asko Greenforest Foodsena bezalako istorioak. Nekazariei laguntzen diete beren laboreak hobetzen eta, batez ere, beren uzta baldintza onetan saldu ahal izateko aukerak topatzen. Hala, landa-guneetako biztanleak bizi-baldintza duinetan finkatzea dute xede.

Bestalde, ez da oso ohikoa lan hori landaketak eta ustiapenak ingurugiroarengan duten eragina horrenbeste zainduz egitea, agrokimikoak erabiltzea saihestuz eta, aldi berean, produktibitatea bultzatuz eta lur gehiago okupatzea saihestuz.

Athanasek kontatu zigun Greenforest Foodsek nola sendotu duen hainbat produkturen balio-katea; esate baterako, erleen argizariarena, eztiarena edo kakahueteena. Bada, horrek onurak ekarri dizkie Kenia, Tanzania eta Malawiko nekazari familia askori, bereziki idorrak eta gatazkara emanak diren Baringo eta Elgeyo Marakwet konderrietan.

Hizketaldi hori gurekin partekatzeaz gain, Radio Euskadiko eta Cadena Ser kateko bi irratsaiotan parte hartu ahal izan genuen. Podcast horien estekak utziko dizkizuegu:

Cadena Ser:

https://cadenaser.com/programa/2019/10/24/punto_de_fuga/1571942757_032403.html

Radio Euskadi (32. minututik aurrera)

https://www.eitb.eus/es/radio/radio-euskadi/programas/vivirparaver/detalle/6770522/apoyo-productores-miel-cacahuetes-cera-abeja-kenia/

« Atzera