Oikocredit Euskadiren Batzordea
miércoles 05 abril 2017 11:00
Apirilaren 3an, Oikocredit Euskadiren ohiko batzordea egin zen. Bazkideon talde handia bildu ginen Bilboko La Bolsa izeneko eraikinean helburu bikoitzarekin: batetik, batzordearen ondorioz sortzen diren beharrezko izapideak egiteko eta, bestetik, aurpegia jartzeko elkarri eta aurrez aurre hitz egiteko, Oikocredit Euskadi denon proiektua bihurtu dadin.
2016ko ekitaldiko jarduera-memoria eta txosten ekonomikoa aurkeztu eta onetsi ondoren, 2017. urterako ekintza-planaren eta aurrekontuaren berri eman genuen. Zenbakiak, grafikoak eta helburuak gainditu, eta jendeaz aritu ginen, gure inbertsioen onuradun diren Hegoaldeko pertsona horietaz. Ikusi genituen haien proiektuetako batzuk, aurpegia jarri genien. Gogora ekarri genuen ez gaudela bakarrik, gure inbertsioa eta lana ekartzen dizkiogula nazioarteko proiektu bati, eta imajinatzen duguna baino jende gehiagok jasotzen duela beraren onura.
Batzordea amaitzeko, proiektuarekiko konfiantza adierazi genuen eta eskerrak eman genizkien bazkideei egindako lanagatik; bertatik indarberrituta atera ginen, epe ertain eta luzerako erronkak betetzeko ilusioarekin.
Bazkide batzarraren akta eta Urteko Txostena ikusteko, klikatu hemen.
