Urte berria, erronka berriak.
2018. urtea oso urte aktiboa izan da: 32 ekintza, hitzaldiak, ferietan parte hartzea... Gainera, sare nagusiak (Instragram, Linkedin eta Google plus) zabaldu ditugu eta bultzada berria eman diegu jada erabiltzen genituen sareei (Twitter eta Facebook). Euskal Autonomia Erkidegotik eta Nafarroatik kanpo lau jarduera burutu dira eta pozik gaude.
2019. urtea jardueraz betea dago. Ferietan parte hartzen jarraituko dugu eta finantza etikoak eta, nagusiki, Oikocredit, hegoaldeko herrialdeen garapen-tresna modura, aditzera emateko gune berriak irekiko ditugu.
Halaber, bultzada handiagoa eman nahi diegu gure gizarte-sareei eta web orriari. Batez beste % 20 haztea gustuko genuke. Horietan etorkizun hobe eta iraunkorragoaren bila Oikocreditera edo gure bazkideetara hurbiltzen den jendearen istorioak azalduko dira.
Horrez gain, aurten erakusketa bat izango dugu Finantza Etikoetan eta Hautazkoetan Hezkuntzaren Euskal Sarearekin lankidetzan. Hegoaldeko herrialdeetako esperientziekin argazkiak erakutsiko dira eta erantzukizunpeko aurrezpenaren eta finantza etikoen bidezko inbertsioaren garrantziaz sentsibilizatuko da.
Oikocrediten inbertitzeko modu berria eskaini nahi dugu eta horretan dihardugu lanean. Oraindik ezin dugu xehetasun gehiegi azaldu, baina pozik gaude eta hemendik gutxira gure berri izango duzue.