Inbertitzeko prest? Aukeratu bizi zaren eskualdea

Lehioa iztea
Sevilla Catalunya Euskadi

Zer dira laguntza erakundeak?

Oikocredit-ren laguntza erakundeak legalki irabazi asmorik gabeko erakundeak sortzen duten pertsona boluntarioen multzoa da. Bazkideak erakundearen parte oso garrantzitsua dira eta sentsibilizazio eta hedapen ekintzak betetzen dituzte. Laguntza erakundeak Nazioarteko Oikocrediten bazkide zuzenak dira eta Espainiako bazkide guztiak ordezkatzen ditu. Gaur egun Espainian hiru laguntza erakunde daude: Euskadi, Catalunya eta Sevilla.

Boluntario talde aktibo bat ere Madrilen dago (talde honi eta bere jarduerei buruzko informazio gehiago esteka honetan daukazu: www.madrid.oikocredit.es.)

Euskadi
Bilatu

Fintech eta inpaktu soziala duen inbertsioa Indian [elkarrizketa]

Fintech eta inpaktu soziala duen inbertsioa Indian [elkarrizketa]

Arun N.jpg05 urriak | 2018

Bere eguneratutako estrategiaren baitan, Oikocreditek ohiko finantza erakundeetatik harago bazkidetzeak bilatzen jarraitzen du. Horretarako, Oikocredit kooperatibak bat egiten du finantzaketa teknologien bidez baztertutako komunitateei zuzentzen zaizkien finantza erakundeekin, besteak beste. Fintech-ek inpaktu soziala duten inbertsioetan jokatzen duen paperaz gehiago ikasteko, Indian zehazki, Oikocrediten bazkide den NeoGrowth-eko CEO Arun Nayyar-ekin hitz egin dugu

Zer egiten du NeoGrowth-ek?

Teknologia erabiltzen duen mailegu negozio bat da NeoGrowth, eta maileguak eskaintzen dizkie finantzaketa lortzeko zailtasunak dituzten mikroenpresei eta enpresa txiki zein ertainei Indiako 21 hiritan.

Gure ereduarekin aitzindari izan ginen Indian. Kreditu eta zordunketa txartelekin egindako salmenten datuak erabiltzen ditugu txikizkako enpresa txiki eta ertainen kaudimena neurtzeko eta etorkizuneko salmenten truke maileguak emateko.

Zer da bakarra NeoGrowth-en?

Teknologiaren bidez, gure maileguak azkar onartu daitezke, eta dokumentazioa edo gutxieneko kredituen historia behar dute. Hori guztia estimatu egiten dute gure bazkideek; izan ere, haietako gehienek zailtasunak izango lituzkete beste leku batzuetan maileguak eskuratzeko.

Gure maileguak oso malguak ere badira, eta bezeroek haien mailegua egunez egun ordaintzea baimentzen dugu. Prozesua askoz ere errazagoa da gure bazkideentzat.

Eragin sozialari dagokionez, maileguen bidez enplegu duina eta jasangarria sortzen zentratzen gara. Hori egitean beti ziurtatzen dugu gure bezeroek behar bezala lan egiten dutela eta laneko eta osasuneko arauak betetzen dituztela. Emakume enpresaburuak ahalduntzea ere arlo oso garrantzitsua da guretzat.

Zergatik erabaki zuen NeoGrowth-ek Oikocreditekin bazkidetzea?

Oikocreditekin lan egitera bultzatu gintuena izan zen emaitza hirukoitzari dagokionez duten ikuspegia, bai eta inpaktu sozialeko inbertsioak egiteko ikuspegia ere.

Maanaveeya-ren taldeak ere harritu gintuen [Oikocrediten Indiako subsidiarioa]. Berritasun gisa iritsi ginen, eta Gour-ik eta bere taldeak bene-benetan babestu gintuzten haien jakintzarekin eta eskarmentuarekin.

Oikocreditek oso ondo ulertzen du Indian gertatzen ari dena. Hori dela eta, haien bazkideei ikuspegi sendoa eta orientazioa eskaintzeko gai dira.

Zergatik da horren garrantzitsua fintech inpaktu soziala duen inbertsiorako?

Gaur egun 63 milioi enpresa txiki eta ertain daude Indian, eta 111 milioi pertsona baino gehiago enplegatzen dituzte herrialde osoan zehar. Indian maileguak eskatzeko metodoek kreditu kaudimena duten enpresa txiki eta ertainen % 50 baino gehiago uzten dituzte bazterrean. Gure bezeroen gehiengoa baztertutako talde horren parte da.

Geografiari dagokionez, banku tradizionaletarako sarbidea ere zaila izan daiteke. India herrialde oso zabala da, eta ohiko banku ereduarekin ezin daiteke guztiengana iritsi.

Orain, fintech-ekin, jendeak jada ez du bidaiatu behar mailegu bat eskuratzeko. Telefono mugikorrak lortzea erraza eta eskuragarria da; hortaz, fintech-ekin jendeak finantzaketarako sarbidea berehala lor dezake.

Nola ari da hazten Indian fintech teknologia? Zein erronkari egin behar die aurre?

Fintech Indian oso azkar hazten ari da une honetan.

India da munduan mugikor zerbitzuak gehien kontsumitzen dituen bigarren herrialdea, eta estatistikek erakusten dute 2020an Interneteko 650 erabiltzaile inguru izango direla Indian.

Txartelen erabilera ere ikaragarri hazi da eskudiruarekin alderatuta. Hain zuzen ere, transakzio digitalak % 50 baino gehiago hazi dira, eta kutxazain automatikoetako transakzioak, aldiz, % 15. Hori dela eta, digitalki ordaintzeko aukeren beharra areagotu baino ez da egingo.

Indiako Gobernuak eraiki nahi dituen 100 Smart City-en baitan egoteko asmoa du NeoGrowth-ek. Gure erronka handienetariko bat da eskala handiko berrikuntza eredu bat eraikitzeko modua aurkitzea.

Buru-belarri ari gara lanean biztanleak segmentutan hobeto banatzeko eta gure produktuak hobetzeko, gure askotariko herri handietan lan egin ahal izan dezaten.

Irakur ezazu gehiago Oikocrediten eguneratutako estrategiaz.

« Atrás