Nafarroako Finantza Etikoen Foroa
Attac, Koop57, Fiare, Microfides eta Eklarcredit erakundeekin batera, hiru jarduera diseinatu ditugu azaroaren 18ko asterako, Ekonomia Sozial eta Solidarioaren hilabetearen baitan.
Hilaren 21ean, osteguna, Europako finantza etikoen 2. Txostena aurkeztuko da. Finanzas Éticas Fundazioko Jordi Ibañezek parte hartuko du. Hain zuzen, fundazio horrek argitaratu du txostena. Hilaren 23an berriz, mahai-ingurua egingo dugu Nafarroan finantza etikoak bultzatzeko lan egiten duten erakundeak aurkezteko. Horrez gain, hilaren 11tik 14ra arte hainbat ekimenen informazio-postuak egongo dira.